Gjatë ditës së sotme u raportua se një helikopter i KFOR-it ka fluturuar në pikën kufitare në Jarinje, 30 minuta para se të fluturonin avionët ushtarak serbë.
DardaniaExpress ka kontaktuar me zëdhënësin e KFOR-it, Antonio Minutella, i cili ka thënë se ata nuk posedojnë informacione se serbët kanë fluturuar mbi vijën kufitare administrative.
Tutje ai ka shtuar se KFOR-i po monitoron nga afër situatën në veri të vendit, edhe me përdorimin e helikopterëve.
“Ne nuk kemi asnjë informacion për helikopterët serbë që fluturojnë mbi vijat kufitare administrative. KFOR po monitoron nga afër situatën, përfshirë edhe përdorimin e helikopterëve të tij; dhe mbetet i fokusuar në zbatimin e përditshëm të mandatit të tij – i cili rrjedh nga Rezoluta 1244 e Këshillit të Sigurimit të Kombeve të Bashkuara të vitit 1999 – për të siguruar një mjedis të sigurt dhe të sigurt dhe liri të lëvizjes për të gjitha komunitetet që jetojnë në Kosovë”, thuhet në përgjigjen e tij.
