Erdin Haxhiu është 30 vjeçari që vdiq sot tragjikisht në Prishtinë. Ai humbi jetën teksa po kalonte rrugës dhe mbi të ra një lis të cilin e rrëzuan erërat e forta.
Plagët e marra ishin fatale për të.
Policia e Kosovës ka konfirmuar vdekjen e tij në vendin e ngjarjes.
Mediat lokale në Podujevë thonë se ai është Erdin Haxhiu nga Podujeva.
Në vendin e ngjarjes kur edhe ndodhi fatkeqësia ishte edhe një grua tjetër.
Qytetarja që është zënë nga lisi është në gjendje të rëndë, ka të thyera unazat e shpinës
E njëjta njoftohet të ketë pësuar lëndime trupore dhe ajo po vazhdon të mjekohet në kuadër të QKUK-së.
Pas marrjes së informatës në vendin e ngjarjes kishin arritur të gjitha ekipet emergjente, por 30 vjeçari veçse kishte ndërruar jetë.
